盂蘭節、中元節、鬼節都係講同一個節日,只係名稱起源不同。
盂蘭節,源於佛教;中元節,源於道教。兩者都喺當日設食祭祀、分別透過誦經、作法及布施活動去超渡孤魂野鬼。民間鬼節習俗就融合佛、道教兩種文化;講到底,善信們都希望各種活動可以普渡眾生。
講起鬼節,大家一定聽過燒街衣、做神功戲,但係講到禁忌,你哋又知幾多呢?
鬼節,自然同「死亡」扯上關係,但香港地講死好棹忌,結果社區呢種「唔敢講、唔想講、唔知點講」態度只會將一件事變成一種忌諱。其實,香港有不少機構一直喺社區推廣「好生好死」主題,鼓勵大家從正面角度去探討生老死葬議題。始終,所有人要面對死亡,點解要驚講「死」?
今年鬼節,大家可以跟隨民間習俗燒街衣之外,亦可以參加由心繫心生命教育基金(Heart-to-Heart Life Education Foundation)舉辦的「盂蘭虛擬跑」!今年盂蘭跑的規模比過往三屆更大,皆因得到「食環署」及「全城街馬」支持,升級成為「盂蘭虛擬跑」(Yu Lan Virtual Run),希望參加者有更多時間透過跑步、走訪「綠色殯葬」,從輕鬆角度去探討「生死」;希望社區可以由一如既往的棹忌心態,慢慢抱著正面態度去討論「死亡」,不再忌諱這個議題。
主題:綠色殯葬
日期:2021年8月1日 至 2021年9月5日
任務:
費用:不設報名費; 參加者最少捐款$150*
*所得費用將全數用作心繫心的生死教育與哀傷輔導服務上,幫助更多有需要的喪親家庭或哀傷輔導服務
同時,心繫心生命教育基金更希望透過是次盂蘭跑籌募到港幣10萬元經費,你可以用港幣150元報名參加盂蘭跑之外,亦可以隨緣樂助捐贈港幣200元、300元、500元或1000元,支持社區生命教育及哀傷輔導服務。
>> #我要出走之盂蘭虛擬跑 Click Here <<