離島好去處|18區Chill Chill 香港一日遊路線

mins read
August 25, 2021

離島好去處

社職文化系列之18區Chill Chill 離島區

第四回:香港離島好去處

>> 新界一日遊 <<|>> 港島一日遊 <<|>> 九龍一日遊 <<|>> 離島好去處 <<

今回到離島好去處!香港離島區絕對唔細,喺南面及西南面有多個極具特色小島,非常適合想離開鬧市靜一靜嘅朋友去避世,今次將會推介4個特別小島畀大家。

離島好去處 一日遊路線

香港地有唔少離島,每個島都極具特色。你可以認識地質教育、漁村文化、Camping、盡玩海上活動。建議路線仲有「香港馬爾代夫」,畀你欣賞無敵海景!

離島好去處一:綠蛋島

綠蛋島 IG-kingfai_fujifilm
圖片轉自:IG@kingfai_fujifilm

被譽為「香港馬爾代夫」嘅綠蛋島,水質非常清澈,吸引極多鍾意玩浮潛、直立板及獨木舟嘅朋友專程入嚟朝聖。如果你對水上活動同影靚景都有興趣,綠蛋島絕對係你選擇之一!

點去綠蛋島?

  • 西貢碼頭上船

注意事項

  • 請保護大自然,保持地方清潔,切勿將垃圾丟落海
  • 不少人會選擇於相思灣划獨木舟前往,但若果你是獨木舟新手,基於安全,建議由西貢碼頭坐船出發
  • 綠蛋島無救生設備,當進行任何水上活動,要注意自身安全。

離島好去處二:橋咀島

橋咀島 連島沙洲
圖片轉自:香港旅遊發展局

被列入香港聯合國教科文組織世界地質公園景點之一嘅橋咀島,最吸引當然係島上有火山口遺跡、半月灣無敵海景,以及同潮汐分秒必爭嘅連島沙洲!

橋咀島一日遊行程推薦:

  • 火山探知館>半月灣>黑山頂>連島沙洲>橋頭>橋咀泳灘
橋咀島一日遊行程推薦
圖片轉自:香港旅遊發展局

點去橋咀島?

  • 西貢碼頭上船

注意事項

  • 留意連島沙洲潮汐時間

離島好去處三:塔門

圖片轉自:IG@bigki

去塔門,唔係只有牛牛陪你露營,或者瞓喺大草地上觀星思考人生意義;其實塔門仲有唔少景點,例如天后廟及漁村,適合大家行下,了解香港漁村文化。

塔門一日遊行程推薦:

  • 塔門碼頭>塔門海傍街>天后廟>山頂觀海坪及大草坪>疊石>塔門漁民新村及榕樹村
塔門一日遊行程推薦
圖片轉自:香港旅遊發展局

點去塔門?

  • 港鐵大學站B出口搭乘計程車至馬料水碼頭,再轉乘街渡(船程約1.5小時)
  • 西貢市中心搭乘94號巴士至黃石碼頭,再轉乘街渡(船程約35分鐘)

注意事項

  • 請保護大自然,保持地方清潔
  • 請勿傷害牛牛

離島好去處四:大澳

大澳一日遊
圖片轉自:香港旅遊發展局

大澳係香港現存漁村之一,非常珍貴。大澳棚屋背後,你唔單只可以見識漁村生活、出海、參觀歷史文化室,仲可以掃街食盡大澳同影靚景,最後順便買啲海味返屋企孝敬長輩、老豆同老媽子「加餸,Thanks!

點去大澳?

  • 11號大嶼山巴士 (約1小時車程)
  • 聯盈8渡輪 (約1小時船程)
  • 昂坪360纜車 (25分鐘車程) > 21號大嶼山巴士(20分鐘車程)

18區Chill Chill 一日遊路線補充

  • 路線規劃之行程由義工協助進行搜集,並非任何商業宣傳
  • 路線規劃之行程只為建議路線,參加者可按照心情自行更改路線或行程
  • 實際路程和交通時間或與描述不同,資料只供參考
  • 所有路線資訊以官方公布作準

其他社職文化系列

>> 18區Chill Chill-新界一日遊路線推介

>> 18區Chill Chill-港島一日遊路線推介

>> 18區Chill Chill-九龍一日遊路線推介

>> 宗教放題-香港廟宇一日遊

>> 宗教放題-本地佛寺及教堂一日遊