另類身心靈活動|國際午睡日 x 大笑瑜伽

社職另類身心靈活動

國際午睡日|大笑瑜伽|大自然收音師|斷捨離|

做咗咁多年人,大家都會有攰嘅時候。你可能唔夠瞓、你可能攰到瞓唔到、你可能忘記點笑、你可能忘記大自然聲音……



第一擊:國際午睡日-瞓個靚覺(午睡一小時)

瞓個靚覺(午睡一小時)另類身心靈

我哋相信絕大部分香港人都有一個身心問題:嚴重缺乏睡眠。

有得瞓,你唔願瞓;無得瞓,你就起勢呻慘。

人生,就係如此矛盾。其實好多研究都證實小睡可以提升個人專注力、執行力及記性。與其眼瞓到Function唔到,眼皮都撐唔開!倒不如專心瞓一陣,再投入工作,反而更有效率。


正因如此,Boss非常支持我哋舉行一個「國際午睡日-Happy Friday 瞓個靚覺活動!佢仲成為第一位參加者,以行動支持我哋一齊Take A Nap,專心瞓個覺,補充體力,照顧好心理健康!希望你參加一份,試下叫埋老闆一齊參加,OK? =)

報名-Desktop用戶-手機掃QR CODE:

報名-手機用戶-點擊以下連結:

>>國際午睡日-瞓個靚覺(午睡一小時)<<

第二擊:大笑瑜伽

大笑瑜伽 另類身心靈

火鳳燎原裡面,劉備有云:「笑有出頭天!」

香港人,你幾耐無笑過?你笑,是恥笑?是冷笑?是奸笑?還是.......真誠大笑?


笑,絕對係一個極度舒壓的動作。所以我哋決定搞一個網上大笑瑜伽,一齊跟隨大師做每一個動作,一邊伸展、一邊大笑,讓身心盡情發洩!負責同事話呢活動包你笑到無得唞!

報名-Desktop用戶-手機掃QR CODE:

報名-手機用戶-點擊以下連結:

>> 大笑瑜伽 Click Here <<


第三擊:大自然,錄一錄

錄大自然聲音 另類身心靈

你有無試過停低,認真細心聽吓大自然聲音?

大自然聲音,你數得出有幾多?

風聲、水聲、動物聲、蟲叫聲……仲有無?

無得飛,大家選擇喺香港上山下海,過一個親親大自然戶外假期,唔知你哋可唔可以順便錄一錄大自然聲音,然後分享畀我哋呢?

我哋將會整合錄音,製作出大自然聲音庫,日後等你或其他人可以隨時隨地聽返大自然聲音,感受萬物嘅奇妙!

報名-Desktop用戶-手機掃QR CODE:

報名-手機用戶-點擊以下連結:

>> 大自然錄音師 Click Here <<


第四擊:斷捨離 Feat. 人棄我取

斷捨離活動 另類身心靈

斷捨離亦可以係各取所需

如果你屋企或Office有一堆你無用好耐嘅物品,不如參加呢個活動,的起心肝執屋執Office,清除雜物,回顧花費過嘅錢,覺悟自己對物質嘅追求。

不過,你覺得無用嘅物品,唔代表無價值。呢個活動亦都鼓勵你將較新淨嘅物品放喺社交平台上,等候其他人接收或以物易物,等大家透過斷捨離,得到自己最需要嘅嘢。

報名-Desktop用戶-手機掃QR CODE:

報名-手機用戶-點擊以下連結:

>> 斷捨離 Click Here <<


想知更多身心靈活動推介>>>香港身心靈系列2021


查看關鍵字的相關文章